RIDHIWANI KIKWETE AKABIDHI AMBULANCE KITUO CHA AFYA CHALINZE

 Mbunge wa Jimbo la Chalinze, Ridhiwani Kikwete (katikati) akikabidhi gari jipya la kubebea wagonjwa (Ambulance), kwa Mganga Mkuu wa Wilaya ya Bagamoyo,Dk. Mastidia Rutaihwa kwa ajili ya Kituo cha Afya cha Chalinze, katika mkutano wa hadhara uliofanyika mjini Chalinze jioni hii. Wanaoshuhudia kutoka kulia ni Mganga Mkuu wa kituo hicho, Dk. Bamba Victor na Diwani wa Kata ya Bwilingu, Nasa Karama. (PICHA ZOTE NA RICHARD MWAIKENDA;KAMANDA WA MATUKIO BLOG)

 Muumini wa Dini ya Kikiristo, Heema Said akitoa neno la shukrani kwa Mbunge wa Jimbo la Chalinze,Ridhiwani Kikwete 9aliyevaa koti kushoto) alipokabidhi ambulance hiyo. Ridhiwani alisema kuwa yeye hivi sasa ni mbunge wa vyama vyote jimbo humo hivyo ambulance aliyoitoa itoe huduma kwa wakazi wote wa jimbo hilo bila kubagua watu kutokana na itikadi zao. Pia aliuasa uongozi wa kituo hicho cha afya na uongozi wa Halmashauri ya Wilaya ya Bagamoyo kuhakikisha wanatunza vizuri gari hilo.

 Dok Rtaihwa akimkabidhi ufunguo wa gari hilo Mganga Mkuu wa Kituo cha Afya cha Chalinze, Dk.Victor baada ambulance hiyo kukabidhiwa na Mbunge Ridhiwani.

 Dk. Victor akitoa shukurani kwa Mbunge Ridhiwani kwa msaada huo wa ambulance

 Wakifurahia kwa pamoja kupata usafiri huo muhimu kwa wagonjwa

 Mbunge Ridhiwani Kikwete na Dk. Rutaihwa wakiangalia ndani ya ambulance hiyo

 Wakiwa na furaha baada ya kuangalia samani zilizomo ndani ya ambulance hiyo

 Ridhiwani  pamoja na viongozi wa dini ya kiislamu wakiliombea dua gari hilo. Kutoka kulia ni Alhaji  Sheikh Hussein Fuko na Alhajj Khamis Magula

 Ridhiwani 9katikati) na Mbuunge wa Jimbo la Mtera, Lusinde wakiwa katika picha ya pamoja na baadhi ya watumishi wa Kituo cha Afya cha Chalinze akiwemo Mganga Mkuu wa Wilaya ya Bagamoyo, Dk. Rutaihwa.

 Mganga Mkuu wa Wilaya ya Bagamoyo, Dk.Mastidia Rutaihwa akitoa shukurani kwa Ridhiwani kwa msaada wa Ambulance na kuahidi kuitunza

 Ridhiwani akipongezwa na wananchi kwa kuwapatia ambulance

 Msanii wa muziki wa kizazi kipya Hafsa Kazinja akicheza muziki na mmoja wa wazee wa Chalinze alipotumbuiza katika mkutano huo

 Ridhiwani akihutubia katika mkutano huo

 Sehemu ya umati wa watu waliohudhuria makabidhiano ya ambulance katika viwanja vya miembe saba mjini Chalinze leo

 Mbunge wa Jimbo la Mtera, Dodoma, Lusinde ambaye alikuwa safarini akitokea Dodoma kwenda Dar kwenye vikao vya Kamati za Bunge, aliamua kushiriki kwenye mkutano huo ambapo alimsifia Mbunge Ridhiwani kwa kipindi kifupi alichoaguliwa kuwa mbunge miezi sita iliyopita kutekeleza kwa kiasi kikubwa ahadi alizozitoa wakati wa kampeni ikiwemo ambulance hiyo, ujenzi wa visima katika vijiji mbalimbali na ujenzi wa barabara pamoja na zahanati

Lusinde akikumbatiana kwa furaha na Ridhiwani baada ya mkutano huo kumalizika

                                   by Adam Mzee

WENYEVITI WA MITAA JIJI LA MBEYA WAAPISHWA, WALILIA MISHAHARA.

Kaimu Mwanasheria wa Halmashauri ya Jiji la Mbeya, Crispin Kaijage akitoa ufafanuzi kwa Wenyeviti wa Mitaa na Wajumbe wao kwenye ukumbi wa shule ya sekondari ya Mbeya.

Mmoja wa Wenyeviti wa mitaa akiuliza swali ukumbini hapo kabla ya kuapishwa.

Wajumbe na Wenyeviti wakiwa ukumbini wakisubiri kula kiapo cha kuwatumikia wananchi kwa uaminifu.

Wajumbe wakitoka ukumbini.

Wajumbe wakigawana fomu za viapo.

Wajumbe wakiwa nje ya ukumbi.

  

WENYEVITI wa Serikali za Mitaa katika Halmashauri ya Jiji la Mbeya wameiomba Serikali kuwaongezea kiwango cha posho ili kiendane na maafisa Watendaji.

Aidha wametoa ombi la wao kutaka kulipwa mishahara kutokana na kuwa wawakilishi wa wananchi na sio kupewa posho jambo ambalo linasababisha wao kudharaulika na watendaji wa Mitaa yao.

Hayo yalitolewa  na Wenyeviti wa Mitaa wa Halmashauri ya Jiji la Mbeya walipokuwa wakizungumza na Kaimu Mwanasheria wa Halmashauri ya Jiji la Mbeya, Crispin Kaijage, kabla ya zoezi la kuwaapisha lililofanyika katika ukumbi wa Shule ya Sekondari ya Mbeya.

Braiton Dibinze Mwenyekiti wa Mtaa wa Kati Kata ya Ruanda alisema kwa mujibu wa Katiba ya nchi sura ya 4 ibara ya 1 hadi ya 3 ya uchaguzi wa serikali za Mitaa, Mwenyekiti wa Mtaa ana ainishwa kama mtawala na mwakilishi wa Raisi katika ngazi ya Mtaa lakini hapewi mshahara kama Watendaji wanaoteuliwa na Mkurugenzi wa Halmashauri.

Alisema kitendo hicho sio kizuri kwa kuwa wao ndiyo wenye majukumu ya kuhamasisha wananchi kuhusu shughuli za maendeleo hivyo walipaswa kupewa kipaumbele cha malipo tofauti na ilivyo sasa.

“ mimi Mwenyekiti wa Mtaa natambulika kikatiba kama mwakilishi wa Raisi katika ngazi za Mtaa lakini mtu ambaye ajira yake inaishia kwa Mkurugenzi wa Halmashauri analipwa vizuri tunaomba Serikali ilifikirie hilo” alisema Mjumbe huyo.

Kwa upande wake Kaimu Mwanaasheria wa Halmashauri ya Jiji la Mbeya, Crispin Kaijage, alisema Mwenyekiti wa Mtaa anapewa Posho ya kila mwezi inayotambuliwa kisheria ambayo ni shilingi 20,000 kwa mwezi sawa na Madiwani ambao pia hupewa posho na sio mshahara.

Aliongeza kuwa kazi ya Mwenyekiti wa Mtaa ni kumsaidia Afisa Mtendaji wa Kata kwa kumsimamia na kumshauri Afisa Mtendaji wa Mtaa kuhusu shughuli za maendeleo pamoja na uwajibikaji wake ili kuondoa ulegevu na kuchelewa maofisini.

“ Ofisi wa Mtaa iko chini ya Afisa mtendaji wa Kata, hivyo tuwe walezi wa Maafisa Watendaji wa Mitaa  pamoja na kuwabana ili wafike maofisini kwa wakati na kutoa taarifa kwa yule anayekiuka utaratibu wa kutekeleza majukumu yake ya kila siku.” Alisisitiza Mwanasheria huyo.

Alisema kitendo cha kuwaapisha viongozi hao kinawapelekea kufanya kazi za serikali katika ngazi za Mitaa wakishirikiana na Maafisa Watendaji kwa mujibu wa sheria na sio kufanya shughuli za kichama.

Mwisho.

Na Mbeya yetu

MWANDOSYA AKAGUA MIRADI YA UJENZI BUSOKELO, RUNGWE MASHARIKI, MKOANI MBEYA

Waziri wa Nchi Ofisi ya Rais (Kazi maalumu) Profesa Mark Mwandosya (wa tano kulia)  akipata maelezo kutoka kwa Afisa Mtendaji wa Kijiji cha Ntaba, Bi. Rebecca Hyera (wa nne kulia) kuhusu sehemu ya Mradi wa Umwagiliaji maji wa Katela - Ntaba ambapo limejengwa ghala la mazao ya mpunga na kakao.

Waziri wa Nchi Ofisi ya Rais (Kazi Maalum) Profesa Mark Mwandosya akipita kwenye kivusha maji cha Mradi wa umwagiliaji Katela - Ntaba wakati akikagua  Miradi ya Ujenzi Busokelo,Rungwe Mashariki, mkoani Mbeya
Waziri wa Nchi Ofisi ya Rais (Kazi Maalum) Profesa Mark Mwandosya akipata maelezo ya Banio la mradi wa umwagiliaji wa Katela-Ntaba.wakati akikagua  Miradi ya Ujenzi Busokelo,Rungwe Mashariki, mkoani Mbeya
Waziri wa Nchi Ofisi ya Rais (Kazi Maalum) Profesa Mark Mwandosya katika picha ya pamoja na watendaji,viongozi na wananchi baada ya kukagua ghala ya mazao ya Mrafi waumwagiliaji wa Kasysbone-Kisegese.

 

By  Mbeya yetu

UVCCM MBEYA, KUWASHUKURU WAPIGA KURA

JUMUIYA ya Vijana wa Chama Cha Mapinduzi (UVCCM), Mkoa wa Mbeya, imeandaa ziara ya kuwashukuru wananchi waliokipigia kura chama hicho katika uchaguzi wa serikali za Mitaa, uliofanyika Desemba 14, mwaka huu.

Akizungumza na waandishi wa habari, mwishoni mwa wiki, Mwenyekiti wa Jumuiya hiyo Mkoa wa Mbeya, Amani Kajuna, alisema kuwa, katika ziara hiyo wataambatana na Katibu Mkuu wa UVCCM Taifa, Sixtus Mapunda.

 

Alisema ziara hiyo wataianza January 5,2015 wilayani Mbarali na kuhiitimisha wilayani Momba Januari 9, 2015 ambapo pamoja na mambo mengine ya vikao vya ndani, Katibu Mkuu wao atahutubia mikutano ya hadhara.

“Kimsingi ziara hii ni ya Katibu Mkuu, ambaye ataifanya katika wilaya za Mbarali, Mbeya Mjini, Mbeya Vijijini, Mbozi na Momba. Wilaya zilizobaki za Ileje, Chunya, Rungwe na Kyela ratiba itatolewa baadae” alisema Kajuna.

Kwa upande wake Katibu wa UVCCM Mkoani hapa, Adia Mamu, alisema maandaliazi yanaendelea katika wilaya zote ambazo katibu Mkuu wa UVCCM Taifa atafanya vikao na kuhutubia mikutano ya hadhara na amewaomba wananchi kujitokeza kwa ajili ya kusikiliza mikutano hiyo.

 Wakati huo huo, kesho Desemba 29, mwaka huu, Chama cha demokrasia na Maendeleo (Chadema), kupitia umoja wa vijana wa chama hicho (BAVICHA), kinatarajia kufanya mkutano wa hadhara katika mji mdogo wa Mbalizi, wilaya ya Mbeya Vijijini kwa lengo la kuwashukuru wananchi baada ya Mwenyekiti wa mtaa huo, Elia Mkono(Chadema) kuchaguliwa.

                          

                            BY KALULUNGA  MEDIA 

Katibu wa Nishati na Madini, Eliakim Maswi asimamishwa kazi

        
                                            Ndg. Eliakim Maswi


Katibu Mkuu Kiongozi, Balozi Ombeni Yohana Sefue, amemsimamisha kazi kwa muda usiojulikana Ndugu Eliakim Maswi, Katibu Mkuu ya Wizara ya Nishati na Madini, ili kupisha uchunguzi wa tuhuma dhidi yake, kama ilivyoelekezwa na Rais wa Jamhuri ya Muungano wa Tanzania, Mheshimiwa Jakaya Mrisho Kikwete.

Balozi Sefue amemsimamisha kazi Ndugu Maswi kuanzia leo, Jumanne, Desemba 23, 2014, kwa kutumia madaraka aliyonayo kama Mamlaka ya Nidhamu kwa Watumishi wa Umma wanaoteuliwa na Rais, wakiwemo Makatibu Wakuu.

Taarifa iliyotolewa na Ofisi ya Balozi Sefue mjini Dar es Salaam imesema kuwa amechukua hatua hiyo “Kwa mujibu wa Kifungu 4(3) (d) cha Sheria ya Utumishi wa Umma, Na. 8 ya mwaka 2002 (kama ilivyorekebishwa)” ambapo “Katibu Mkuu Kiongozi ndiye Mamlaka ya Nidhamu kwa Watumishi wa Umma wanaoteuliwa na Rais, wakiwemo Makatibu Wakuu.”

Badala yake, Balozi Sefue amesema kuwa Naibu Katibu Mkuu, Wizara ya Nishati na Madini, Mhandisi Ngosi C. Mwihava atakaimu nafasi ya Katibu Mkuu, Wizara ya Nishati na Madini, hadi uchunguzi dhidi ya Ndugu Eliakim C. Maswi utakapokamilika.

Taarifa hiyo ya Balozi Sefue pia imekariri kauli ya Rais Kikwete katika hotuba yake kwa Taifa jana, Jumatatu, Desemba 22, 2014 ambako Rais alisema:

“Kuhusu Katibu Mkuu wa Wizara ya Nishati na Madini, kwa vile ni Mtumishi wa Umma, anatawaliwa na Sheria na Kanuni za Utumishi wa Umma, hivyo nimeshaelekeza Mamlaka kuchunguza tuhuma zake na hatimaye ikibainika ana makosa hatua za kinidhamu zitachukuliwa.”

Ndugu Maswi, aliyekuwa Mwanasheria Mkuu Ndugu Frederick Werema pamoja na Mawaziri wawili walituhumiwa wakati wa Kikao cha Bunge kilichopita kuhusiana na Akaunti ya Tegeta Escrow.

Wakati huo huo, Rais Kikwete ameelekeza kuwa pamoja na hatua nyingine zinazochukuliwa, Shirika la Umeme (TANESCO) waendelee na majadiliano na IPTL kuhusu uwezekano wa kushusha tozo la uwekezaji (capacity charge) zaidi ya punguzo la awali lililopatikana kupitia Kituo cha Kimataifa cha Kusuluhisha Migogoro ya Kimataifa (ICSID).

Imetolewa na:
Kurugenzi ya Mawasiliano ya Rais,
Ikulu – Dar es Salaam.
23 Desemba,2014

MAZISHI YA MAMA YAO MZAZI WA WANAHABARI DOTTO, KULWA NA NICO MWAIBALE KATIKA KIJIJI CHA KIBUMBE RUNGWE MBEYA

.

Bi. Twitikege Mlagha Mafumu enzi za uhai wake

Mwili wa Marehemu Twitikege Mlagha Mafumu ukiifadhiwa katika nyumba yake ya Milele katika  kijiji cha Kibumbe,Wilayani Rungwe Mkoani Mbeya leo 

Ndugu wa Marehemu wakiwa katika majonzi 

 Wanahabari wakiwa katika Msiba huo 

Picha na Tukio kamili Baadae 

Na Mbeya yetu

Mtoto amuibia nyanyake na kuwashangaza wengi

Wazazi wa Alexis wanasema wana afueni mtoto wao yuko salama

Mtoto wa kike mwenye umri wa miaka 11 aliiba maelfu ya dola kutoka kwa nyanyake na kisha kukodi taxi kumpeleka eneo la mbali kukutana na kijana mwenye umri wa miaka 16 ambaye walikuwa wakiongea naye tu kupitia mtandao wa Internet.

Wawili hao hawajawahi kuonana hata siku moja.
Msichana huyo Alexis Waller yuko salama na bukheri wa afya na hatakabiliwa na kesi yoyote baada ya kitendo chake ambacho kimewashangaza wengi.
Maafisa wanasema Waller aliiba dola elfu kumi kutoka kwa chumba cha nyanyake katika mji wa Bryant, jimbo la Arkansas.
Baada ya kitendo chake cha wizi, msichana huyo alikodisha taxi na kumtaka dereva kumpeleka kwa kijana huyo katika jimbo la Florida.
"nilisema nitaka kwenda mjini Jacksonville, Florida," Waller aliambia shirika la habari la KARK. "kijana huyo aliniuliza kama nina pesa na nikamwambia ndio. ''
Gharama ya safari yake ilikuwa dola 1,300.
Jarida la Arkansas Democrat-Gazette linasema kuwa Waller alikuwa tayari amesafiri umbali wa maili 500 kuelekea kwa kijana huyo lakini polisi waliweza kuwasiliana na dereva wa taxi hio na kuwafuata.
Wazazi wake walisema Waller aliwakasirisha sana lakini ni afunei kwao kwani mtoto wao aliweza kurejea nyumbani.